可盈, 呢個係我既BLOG, 已經有一年無更新了
自己既說話能力吾好, 文字傳話比較能表達我既說話
其實我一直都有這個反思, 就係如何活在當下！妳能解答我這個問題嗎？
自己總好想快啲搵夠錢，然後過自己想過既生活，好想好想快啲搵夠安全線既資本。
投資就好似果套西片《命運自選台》咁，投資是看長線價值，當投入了一筆資本，並不會明天收到回報，價值既增長就以年計，但過程又會好想知到結果，就像主角一樣希望加速，加快日期，到達結果日。但人生並沒有這個搖控器，就產生了活於今天，但心在明年既心情。
現在遇到的是股票人為性大跌，未來長遠價值已經大大改變，由未來價值變成剩餘價值，資本大縮水。前日改變投資方向，放掉股票，昨天又大升，左一把右一把。過程上這方面我很正面的，當是一種壓力測試，好巿壞巿總會遇到，仲有青春時遇到比較好。
但這件事結果帶來的影響就係想快啲搵夠安全線既時間，拉長了！
《命運自選台》搖控器的功能只能快播，不能倒退。雖然以前一直也在想活在當下，但心內總覺得４０歲就可以到達安全線，到時就會有人生，到時就可以屬回自己。
現在把時間線拉長了，就不一樣了，找到活在當下的態度，先係解決問題的根源。
其實呢個問題，我也問過幾個朋友。得出的結論未令我受用，主要係活在當下對佢地黎講太容易，他們不理解我為何想那麼多，我也不理解為何可以活得那麼簡單。
最後想講個原則同埋事情：
你仲記得有講過阿叻中左幾次三Ｔ嗎，我認為一方面有運就會失去另一方面。這個結論來自相對。我覺得所有野都係相對，連開心和吾開心既時間都係相對，即係開心既時間有一小時，相對吾開心既時間都係一小時。雖然無法證實，但我自己是完全信納這個相對原則。所以開心既時間都不要給自己太開心，因為相對就欠下了不開心時間，不知道什麼時間要還。
不能活在當下就係咁了，好理論咁講可以分為
條件１）開心既時候不能太開心
條件２）必須４０歲到安全線屬回自己
用個例子吧，先說一下少少投資上的東西，要計物業值價係最容易的。
物業值價＝全年租金回報／回報率
如果妳有個商鋪，每個月租１０００給租客，巿場大約商鋪租務回報率係５％
商鋪價值就係１０００ｘ１２／５％＝２４萬，剩下只係考慮５％回報率有無高估，租金是否可以持續。
好了，終於可以入重點了，疫情前領展好長時間係我第一大持倉，如放個假，出街去個領展商場食個飯，無壓力過一天，好正常的生活吧。
我會留意商場有冇空置率，其次商鋪係做咩生意（想知道出租率同租金有冇上調空間)
腦海中又會再一次為領展估值，需要調整投資組合嗎？自行的條件２反射，然後遇到開心時，就不能給自己太忘形，做到要有紀律，條件１既反射。
網上搵到活在當下的意思：
「活在當下」的重點是專注。 若能做到走路時專注走路，吃飯時專注吃飯，工作時專注工作，遊樂時專注遊樂等等，便很不錯。
