另類探熱針

今日中午食飯，如常拎本書出黎睇。突然聽到隔離枱講：呢隻由三十幾蚊升到五十蚊，升左6x%。我就好有興趣，收埋本書，做個竊聽者，到底佢係未講股票？如果係，佢係另類探熱針，還是有她的見解呢？
原來隔離係坐左兩個嬸嬸，只係其中一個講股票。竊聽內容知道這位嬸嬸是看著大行的報告，留意著「買入」、「持有」、「沽出」作指標。內容如下：
妳睇下港鐵只是「持有」，吾係「買入」，吾值得買。
成日推介金沙，金沙係賭股黎，必賺。

聽到呢到，回想起之先到黃國英的分享會、鍾兄的分享會，全場滿座。從不講股票的朋友，突然在whatapps群組推股巿場新寵兒＂中國鐵塔(788)＂，再訂下買入賣出目標價。到今天聽到嬸嬸的說話，巿場真的太熱鬧了，感謝這些聲音，提醒我自己一定要好好控制資產配置比例。